Ferð sem hentar þeim sem hafa einhverja reynslu af því að vera á hestbaki sem og fullfærum reiðmönnum. Ferðin tekur tvær og hálfa klukkustund í reið. Við mælum sérstaklega með að þessi ferð sé tekin sem miðnæturferð. Verð frá 21000kr
Við höldum í austur frá Akurholti og í átt að Hafravatni. Það förum við upp Þormóðsdalinn, og hver veit nema við finnum gull í ánni. Við höldum svo upp á Langavatnsheiði og njótum fallegrar náttúru rétt við borgina.
Þessi leið er sérstaklega falleg á kvöldin og á nóttunni. Kyrrðin er algjör og knapinn nær góðum tengslum við náttúruna. Fuglarnir syngja, tófan gaggar og fiskarnir bylta sér í Hafravatni. Á heiðinni eru heimkynni álfa og huldufólks. Þetta svæði á sér mikla sögu sem rakin er allt aftur til landnáms. Þá var umferð þarna talsverð en leiðin frá Reykjavík og á þingvelli lá að hluta til yfir þetta svæði sem og skreiðagötur. Náttúran hér á landi getur verið óblíð og veðrin válind, urðu menn oft á tíðum úti á leið sinni á milli bæja eða við það að sinna búverkum. Sagðar verða sögur af svæðinu sem tengjast slíkum óhöppum. Ferðin tekur tvær og hálfa klukkustund í reið. Við mælum sérstaklega með að þessi ferð sé tekin sem miðnæturferð.  Ferðin hentar vönum knöpum.  Verð: 21.000
  • Thormodsdale